მე-4 დღე

დღევანდელი დღე ძალიან საინტერესოდ წარიმართა. განვიხილეთ ზოგადი, თემატური და შინაარსობრივი  კითხვები, გავეცანით პროექტის შეფასების  საშუალებებს, რაც გამოგავადგება ჩვენი პროექტის დაგეგმვისა და შეფასების დროს.

დიდი მადლობა!

მესამე დღე

 ძალიან საინტერესო იყო  საინფორმაციო ბუკლეტის შექმნაზე მუშაობის პროცესი.
გავეცანით  პროექტის მიზნების ჩამოყალიბების ფორმებს.

ვფიქრობ, ძალიან ნაყოფიერი დღე იყო.

მეორე დღე

გავეცანით რამდენიმე საუკეთესო პროექტს, ვფიქრობ,  მათი   ანალიზის საფუძველზე  უფრო ადვილად შევძლებ საინტერესოდ დავგეგმო ჩემი პროექტი. ასევე ამ პროექტების მოდიფიცირება და ჩემი ბავშვების საჭიროებებზე მორგება ძალიან სასარგებლო იქნება.

ძალიან მომეწონა მშობლებისთვის საინფორმაციო ბუკლეტების დამზადების იდეა. იქნებ ზოგიერთი მშობელი  დაინტერესდეს და თუ სკოლაში არ მოვა, ტელეფონით მაინც  იკითხოს შედეგი. ჩვენ ხომ თითქმის არ გვაქვს კომუნიკაცია მშობლებთან მათი მოუცლელობის გამო.

პირველი დღე

პირველ დღეს გავეცანით რამდენიმე დოკუმენტს, ჩემი ყურადღება მიიქცია პროექტის გეგმის შაბლონმა, რომელიც, ვფიქრობ,  გაამიადვილებს სწორად დავგეგმო პროექტი.

ზოგადი, შინაარსობრივი და თემატური კითხვები, ვფიქრობ,დამეხმარება გამოვიწვიო ან ავამაღლო მოსწავლეთა ინტერესი შესასწავლი საკითხისადმი.